Xheladin Mjeku - Çamëria

 

ÇAMËRIA

 

Bota sillej me sehir...
Çfarë mërie për një popull,
Për një ëndërr
Që shuhej në bebëza,
Çfarë zilie,
Për këtë tokë
Çamërie.

 

Çka më rri
Mendje ndrydhur?
Heshtje varri
Për një shekull,
Çka më rri
Në pafundësi
Ëndërrojmë s’bashku
Unë dhe Ti,
Çamëri.

 

Gjaku-dritë
E kënga jetë,
Fjalë e besës
Lirinë thërret!
Çajmë rininë
Që na u tretë
Dhe lirinë
Ku na mbet,
Çamëri!

 

Thyejmë trishtimin,
Çajmë rrethimin,
Deri në vdekje
Lëshojmë kushtrimin,
Për një shekull në synim,
Hapekrah qafojmë lirinë
Çamëri.

 

Fjalë kushtrimi merr dhenë
Gjithandej Arbërisë,
Prej nga vjen fryma e jetës,
Se kjo tokë ka zot dhe sot
Asnjë forcë nga këtu s’e lot,
Dashuria për këtë dhe
Është si drita e syve,
Është vetë liria,
Çamëria.